ترے ہی کدو کاوش سے عروج اشرفیہ ہے

ترے ہی کدو کاوش سے عروج اشرفیہ ہے

درشان حضور حافظ ملت علیہ الرحمہ

واصف رضا واصف

ترے ہی کدو کاوش سے عروج اشرفیہ ہے
ترے ہی کدو کاوش سے عروج اشرفیہ ہے

شہ کونین کی الفت نے یہ اعزاز بخشا ہے
کہ اہل حق کے لب پر حافظ ملت کا چرچا ہے

رخ کردار روشن ہے ضیاے ماہ تقوی سے
بڑا شفاف تیری زندگی کا آبگینہ ہے

ترا خون جگر شامل ہے تعمیر وترقی میں
ترے ہی کدو کاوش سے عروج اشرفیہ ہے

کبھی بھی پاےاستقلال میں لغزش نہیں آٸی
بحمداللہ تیری استقامت رشک افزا ہے

فروغ علم و حکمت میں نمایاں نام ہے تیرا
تری تبلیغ اور خدمات کا قاٸل زمانہ ہے

ہے گزری عمر تیری سنت سرورکےسانچےمیں
تن ہستی پہ تیرے پارساٸی کا لبادہ ہے

ترے ہرکام میں اخلاص کاعنصررہاغالب
کتاب جہد حرص و آز سے بالکل معری ہے

یہ فیضان حضور حافظ ملت ہے اے واصف
مبارک پور کا اکناف عالم میں جوشہرہ ہے

عقیدت کیش
واصف رضا واصف مدھوبنی بہار

 

مزید پڑھیں:

حافظ ملت اے علم وفضل کے کوہ گراں

منقبت درشان حضور حافظ ملت علیہ الرحمہ

مرادآباد سے تشریف لاے حافظ ملت 

ماشاءاللہ کو بہ کو تم ہو

Spread The Love

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Related Posts