درشان حضورحافظ ملت علیہ الرحمہ
امیر کاروان علم و فن ہیں حافظ ملت
اسیر گیسوے شاہ زمن ہیں حافظ ملت
لرزتا ہے وجود اہل باطل جن کی ہیبت سے
بحمداللہ وہ باطل شکن ہیں حافظ ملت
ہویدا ہے جبین زیست سے نور برو مندی
کہ بحر فضل کے در عدن ہیں حافظ ملت
مثال مہر تابندہ عیاں ہے کارناموں سے
وقار و نازش اہل سنن ہیں حافظ ملت
فروغ دین مصطوی کاجذبہ دل میں پنہاں ہے
عزیمت کی ڈگر پر گامزن ہیں حافظ ملت
گلاب اشرفیہ ان کے صدقے مشک افزاہے
بہار و بہجت رنگیں چمن ہیں حافظ ملت
منور قلب ہے نور ولاے شاہ بطحاسے
ہمیشہ یاد سرور میں مگن ہیں حافظ ملت
جہاں میں چارسوشہرہ ہےان کےعزورفعت کا
اے واصف رونق صد انجمن ہیں حافظ ملت
عقیدت کیش
واصف رضا واصف مدھوبنی بہار
