رہبر راہ شریعت سیدی اختر رضا
رہنماے قوم و ملت سیدی اختررضا
فیض پاتے ھیں اسیرانِ محبت بالیقیں
آپ سے اے فخر ملت سیدی اختر رضا
سن کے ملتی تھی زمانےکے دلوں کو تازگی
جب بھی کرتےتھے خطابت سیدی اختر رضا
ان کے دامن سے جو وابستہ ہیں ان کو بالیقیں
ساتھ لے جائیں گے جنت سیدی اختر رضا
مفتئ اعظم جنھیں کہتی ہے دنیا ، آپ کو
دی انھوں نے ہے خلافت سیدی اختر رضا
بد عقیدوں نے بھی کلمہ، پڑھ لیا تھا دیکھ کر
آپ کی نورانی صورت سیدی اختر رضا
غسل کعبہ کے لیے بھی تم ہوئے ہو منتخب
مرحبا کیا پائی عظمت سیدی اختر رضا
ہیں برے اعمال میرے اے مرے مرشد کریم
لیجے بخشش کی ضمانت سیدی اختر رضا
عارفہ بے کس پہ بھی چشم کرم فرمایے
اے مرے پیر طریقت سیدی اختر رضا
رہبر راہ شریعت سیدی اختر رضا
رہنماے قوم و ملت سیدی اختررضا
عارفہ فاطمہ ہردولی ضلع باندہ یوپی الہند
