مبارک ہو شہ ہر دوسرا کی آمد آمد ہے
از: محمد شوقین نواز شوق فریدی
مبارک ہو محمد مصطفیٰﷺ کی آمد آمد ہے
مبارک ہو شہ ہر دوسرا کی آمد آمد ہے
مناؤ خوشیاں محبوب خدا کی آمد آمد ہے
بنائے دوجہاں شاہ ہدیٰ کی آمد آمد ہے
منائیں کیوں نہ خوشیاں ہم سجائیں کیوں نہ گلیوں کو
ہمارے رہنما و پیشوا کی آمد آمد ہے
بلائیں دور ہوں گی اور جہاں میں آئیں گی خوشیاں
زمین پر دافع رنج و وبلا کی آمد آمد ہے
نہ گھبراؤ مسلمانوں تمھاری مغفرت ہوگی
وہ دیکھو شافع روز جزا کی آمد آمد ہے
چھٹے گی دہر سے تاریکیاں اب روشنی ہوگی
جہاں میں مظہر ذات خدا کی آمد آمد ہے
ربیع النور دوشنبہ کو بی بی آمنہ کے گھر
مبارک ہو امام النبیا کی آمد آمد ہے
سجاؤ محفل میلاد اور نعتیں پڑھو مل کر
"ربیع النور ہے خیر الوریٰ کی آمد آمد ہے”
خدا نے نور سے جس کے بنایا سارے عالم کو
اسی مختار کل نور خدا کی آمد آمد ہے
نبوت کی ہوئی تکمیل جس پہ ! شہر طیبہ میں
اسی سرکار ختم الانبیا کی آمد آمد ہے
ہوا شوق فریدی جس سے یہ دونوں جہاں روشن
اسی شمس الضحیٰ بدرالدجی کی آمد آمد ہے
رقم کرتا ہوں اے شوقِ فریدی نعت میں جس کی
اسی سلطان عالم مقتدیٰ کی آمد آمد ہے
از: محمد شوقین نواز شوق فریدی
خانقاہ فریدیہ جوگیا شریف کھگڑیا بہار
