سلام اے قلعۂ حکمت کے بانی حافظ ملت
واصف رضا واصف
درخشندہ ہے تیری زندگانی حافظ ملت
نظر آتا نہیں ہے تیرا ثانی حافظ ملت
تری باتیں نصیحت اورحکمت کاحسیں سنگم
ترا طرہ رہا ہے حق بیانی حافظ ملت
وہ چمکا ہے زمانے میں مثال ماہ دوہفتہ
ہوٸی جس پربھی تیری مہربانی حافظ ملت
ہیں تیرے کارنامے لاٸق ترقیم ِ آبِ زر
سلام اے قلعۂ حکمت کے بانی حافظ ملت
تری ذات ِ جفا کش نے زمین اشرفیہ پر
چھڑایا خوب رنگ ِ آسمانی حافظ ملت
سدا کاسہ بکف شاہ و گدا آتے ہیں روضے پر
کہ ہےتیری عطا میں وہ روانی حافظ ملت
ہمہ دم ہے حصار چشم الطاف و عنایت میں
بھلا کیسے مٹے تیری *نشانی* حافظ ملت
ترے در کا ترفع کج کلاہِ دہر کیا سمجھے
کہ تیرا در ہے علمی راجدھانی حافظ ملت
صمیمِ قلب سے تیرا کہا تسلیم کرتے ہیں
ہے اہل دل پہ تیری حکمرانی حافظ ملت
جہاں میں مسلکِ احمد رضا کی آپ نے کی ہے
بفضل اللہ عمدہ ترجمانی حافظ ملت
گلستانِ عزیمت میں اداسی چھاگٸی واصف
گۓ جب چھوڑ کر دنیاے فانی حافظ ملت
عقیدت کیش
واصف رضاواصف مدھوبنی بہار
