لطف و رحمت کا امتزاج درود
واصف رضاواصف
لطف و رحمت کا امتزاج درود
زخم آلام کا علاج درود
کل اٹھاے گا انتفاع گراں
پڑھ عقیدت سے ان پہ آج درود
اہل دل کا مدار ہے قاٸم
اہل دل کی ہے احتیاج درود
زندگی کو منیر کرتی ہے
عزو رفعت کا ہے سراج درود
ہے سر کشتہ ٕ محبت کا
جاذبیت فروز تاج درود
دافع ِ کرب ِ اندرون جاں
وجہ ِ تکثیرِ ابتہاج درود
خوب گاتے ہیں نغمہ ٕ الفت
خوب پڑھتے ہیں خوش مزاج درود
جس میں دکھتا ہے چہرہ کردار
ہے تقدس کا وہ زجاج درود
دور کرتا ہے مشکلات حیات
سہل کرتا ہے کام کاج درود
تو بڑا خوش نصیب ہےواصف
تیری الفت کا ہے خراج درود
