تخیل سے وراہے عزو جاہ مفتی اعظم
واصف رضاواصف
خراج محبت بحضور مفتی ٕاعظم ہندعلیہ الرحمہ
تخیل سے وراہے عزو جاہ مفتی اعظم
نشان اوج ورفعت ہے کلاہ مفتی ٕاعظم
سلوک ومعرفت کی منزلیں آسان کرتی ہے
تصوف کی ڈگر ہے شاہ راہ مفتی ٕاعظم
براے اکتساب التفات و لطف آجاو
ہےجاےخیرو برکت خانقاہ مفتی اعظم
ہےگزری زندگی سرکارکی سنت کےسانچےمیں
بتاتی ہے یہی شام و پگاہ مفتی اعظم
براے حفظ ناموس حبیب خالق اکبر
کمربستہ ہمیشہ ہے سپاہ مفتی اعظم
یکایک دور ہوجاے درون دل کی ویرانی
کبھی پڑجاے جو نور نگاہ مفتی ٕاعظم
یہاں آٹھوں پہر سجتی ہےاہل عشق کی محفل
محبت کا حرم ہے بارگاہ مفتی ٕاعظم
اسے محشر میں بھی مل جائے گی جاے اماں واصف
جسے حاصل ہے دنیا میں پناہ مفتی ٕاعظم
واصف رضاواصف
مدھوبنی بہار