رفیق رحمتہ اللعالمیں صدیق اکبرہیں

رفیق رحمتہ اللعالمیں صدیق اکبرہیں

رفیق رحمتہ اللعالمیں صدیق اکبرہیں

واصف رضاواصف

 

مراد و مرجع اہل یقیں صدیق اکبرہیں
رفیق رحمتہ اللعالمیں صدیق اکبرہیں

کلام اللہ نے اتقی سے جن کو یاد فرمایا
حبیب رب کے ایسے جانشیں صدیق اکبرہیں

مریضان محبت کے لیے دمساز و چارہ گر
شفیق و مونس جان حزیں صدیق اکبرہیں

خلیق وخوش ادا موزوں طبیعت پیکر رافت
ہراک پہلوسے بےحد دل نشیں صدیق اکبرہیں

جمال خانہ ٕ احقاق حق ہے ان سے وابستہ
جہان صدق کے دُرّ ثمیں صدیق اکبرہیں

ہمیشہ ان کے دست ناز میں جام تقرب ہے
شہ بطحا سےحددرجہ قریں صدیق اکبر ہیں

کرے کیا تذکرہ ان کے علو و شان کاکوٸی
معزز ، محتشم،صادق، امیں صدیق اکبرہیں

وقار و شوکت اسلام ان سے روز افزوں ہے
معین دین ختم المرسلیں صدیق اکبر ہیں

ہےان کی زندگی زہدو ورع کاعطرمجموعہ
یقینا لاٸق صد آفریں صدیق اکبر ہیں

صداقت کا عدالت کا شجاعت کا سخاوت کا
بحمداللہ اک نقش حسیں صدیق اکبرہیں

منور ان کے دم سے کاٸنات عشق والفت ہے
وفا اخلاص کے نور نگیں صدیق اکبرہیں

سفر ہو یا حضر یا جنگ کامیدان ہو واصف
جہاں ہیں سرور عالم وہیں صدیق اکبر ہیں

از

واصف رضاواصف

مدھوبنی بہار

مزید پڑھیں

قلزم تقوی کے اک نایاب گوہر ، یارغار

آج تشریف تصور میں ہیں لاے صدیق

رہی حضور سے تیری وہ عاشقی صدیق

Spread The Love
Share on facebook
Share on twitter
Share on whatsapp
Share on email
Share on print

Leave a Comment

آپ کا ای میل ایڈریس شائع نہیں کیا جائے گا۔

Related Posts

مضامین

مذہب اسلام

مذہب اسلام از:امیر حمزہ صبر و تحمل ہمت و حوصلہ جذبہ و جنوں ابتدائے اسلام میں یہی مسلمانوں کے لئے ڈھال اور روزمرہ کے معمولات

Read More »
مضامین

قادیانی کذاب اور ظالم ہیں

قادیانی کذاب اور ظالم ہیں اسدرضاعطاری اعظمی حضور صلی اللہ علیہ وسلم کےدور میں جھوٹی نبوت کا دعویٰ کرنےوالامسیلمہ کزاب تھا اس نے یہ دعویٰ

Read More »