درود راحت و فرحت کا گوہر نایاب
واصف رضاواصف مصباحی
درود راحت و فرحت کا گوہر نایاب
درود فضل وکمال وشرف کاہےمہتاب
درود پڑھتے ہیں سرکارکی رضاکےلیے
درود پڑھتے ہیں افزاٸش وفا کےلیے
درود واقعی اکسیر درد و کلفت ہے
درود دافع غم ماحی مصیبت ہے
درود راہ معارف کا نور بار چراغ
درود پڑھنےسےہوتاہےخوش گواردماغ
درود ذرے کو لعل یمن بناتا ہے
درود دشت کو رشک چمن بناتاہے
درود قافلہ ٕ انبساط کا رہبر
درود فوز و ترفع کا مصدر ومحور
درود مژدہ تسکین قلب حیراں ہے
درود چرخ محبت کا مہرتاباں ہے
درود شافی امراض لاعلاج بھی ہے
درود لطف وعنایت کاامتزاج بھی ہے
درود نفع ہے خسران سے مبرا ہے
درود نور ہے اور خیر کا وظیفہ ہے
درود پڑھنے سےآتی ہےعاجزی واصف
درود خانہ ٕدل کی ہے روشنی واصف
