السلام اے جانشین مصطفی ﷺ

السلام اے جانشین مصطفی ﷺ

Table of Contents

السلام اے جانشین مصطفی ﷺ

واصف رضا واصف

السلام اے تاب مہر چرخ زہد واتقا
السلام اے افتخار دستہ ٕ اہل صفا

السلام اے رہبر دین رسول ہاشمی
السلام اے ناشر پیغام صلح وآشتی

السلام اے واقف و آگاہ اسرار نہاں
السلام اے طلعت قندیل بزم سالکاں

السلام اے حامل تاج کرامات و شرف
السلام اے بحر ارشاد و معانی کےصدف

السلام اے صادق ومصدوق وحق گوحق نما
السلام اے ذی وجاہت ذی شرافت ذی علا

السلام اے کشتہ ٕ عشق شہ جن وبشر
السلام اے زیرک و دانا ، ذکی ،بالغ نظر

السلام اے پاسبان شرع محبوب خدا
السلام اے صاحب مجد و عطا،عز وعلا

السلام اے طور استقلال وجراءت کےکلیم
السلام اے کشور اخلاص کے فرد عظیم

السلام اے پاکباز و پاک طینت متقی
السلام اے خانہ ٕ زہدو ورع کی روشنی

السلام اے پیکر جود و عنایات وکرم
السلام اے آسمان رشد کے بدر اتم

السلام اے سید ابرار کے یارو رفیق
السلام اے حضرت بوبکر صدیق وعتیق

السلام اے واصف محبوب داور السلام
السلام اے جانشین شاہ کوثر السلام

از
واصف رضاواصف

مدھوبنی بہار

مزید پڑھیں

اغثنی یا رسول اللہ ﷺ

رفیق رحمتہ اللعالمیں صدیق اکبرہیں

قلزم تقوی کے اک نایاب گوہر ، یارغار

Like this article?

Share on Facebook
Share on Twitter
Share on Whatsapp
Share on E-mail
Share on Linkedin
Print (create PDF)

Leave a comment