درمدح صحابی رسول حضرت سیدنا ابوذر غفاری
درمدح صحابی رسول حضرت سیدنا ابوذر غفاری
از: واصف رضا واصف
پاکیزہ صفت پیکر ایثار ابوذر
ہیں رشد کے اک اختر ضو بار ابوذر
قرب شہ بطحا نے بلندی سے نوازا
ہرآن رہے بن کے وفادار ابو ذر
پیشانی ہستی پہ تورع کی چمک ہے
ہیں عارف حق صاحب اسرار ابوذر
مرغوب ہے بس سنت سرکارممجد
رعناٸی دنیا سے ہیں بیزار ابوذر
دنیاوی وجاہت سے سروکار نہیں ہے
ایمان کی دولت سے ہیں زردارابوذر
ناموس رسالت کی تحفظ میں ہمیشہ
دشمن سے رہے برسر پیکار ابوذر
کیا ہیچ مداں سے ہو بیاں تیرا ترفع
سرپر ہے ترے فضل کی دستار ابوذر
زلف شہ کونین کی نکہت سےمسلسل
مہکا ہے ترے عشق کا گلزار ابوذر
عفریت بلاخیز سے واصف ہےپریشاں
للہ کرم کیجیے سرکار ابوذر
