آخری سرمایہ کیا ہے؟
ازقلم: ابوصالح مصباحی
وہ آج معمول کے خلاف اداس تھا ۔۔۔۔۔۔۔۔۔اس کی مسکراہٹ کہیں چلی گئی تھی ۔۔۔۔۔۔۔۔وہ کچھ سہما سہما سا بھی تھا۔۔۔۔۔۔۔۔۔اس کا طرز تخاطب کافی بدلا ہوا تھا ۔۔۔۔۔۔۔۔۔دریافت کرنے پر حمد باری بھی بجالایا ۔۔۔۔۔۔۔۔تاہم آج اس پر حزن وملال کے جو اثرات تھے کافی عجیب تھے ۔۔۔۔۔۔۔
زید کی یہ سنجیگی سے پر حالت ہمیں اچنبے میں ڈالنے والی تھی ۔باوجود اس کے ہم نے زید سے اس کی وجہ نہ پوچھ کر اپنے معمولات میں مصروف رہنا بہتر جانا ۔۔۔۔۔۔۔ہم سبھی منہمک تھے ۔۔۔۔۔۔۔خاموشی ہمارے ارد گرد ڈیرہ ڈالی ہوئی تھی ۔۔۔۔۔۔۔کہ اچانک ایک ایسی شائشتگی سے پر آواز بلند ہوئی کہ گویا خموشی بھی بوقت رخصت پلٹ پلٹ کر اسے سن رہی تھی ۔۔۔۔۔۔۔۔اس آواز نے سب کے کان کھڑے کر دیئے ۔۔۔۔۔۔
کیوں کہ پیکر خموشی ” زید ” بول پڑا تھا ۔۔۔۔۔۔
درد میں بھری شائشتہ اور پر کیف آواز پر مشتمل زید کا ایک سوال تھا ۔۔۔۔۔۔۔۔۔۔اور وہ یہ تھا کہ ” یار ! ماہ رمضان میں مردے سے سوالات قبر نہیں ہوتے تو کیا غم گسار امت ( صلی اللہ علیہ وسلم ) کی قبر میں آمد بھی نہیں ہوتی ؟
اس کے سوال سے یوں لگا جیسے وہ ماہ رمضان میں موت کی آغوش میں جانے کا خواہش مند ہو ۔۔۔۔۔۔۔لیکن عدم سوالات کے نتیجے میں زیارت رسول (صلی اللہ علیہ وسلم )سے محرومی کا ڈر اس کی خواہش کو دبوچ رہاہو تھا ۔۔۔۔۔۔۔۔۔
جواب کچھ بھی ہو البتہ زید کی اداسی کا راز ہم پر واضح ہوگیا تھا ۔۔۔۔۔۔۔۔ہمہ وقت اپنی خوش بیانی اور خندہ پیشانی سے دوسروں کی خوموشی توڑنے والے زید کا اچانک سنجیدہ اور مجسمۂ سکوت بن جانا انتہائی حیرت کی بات تھی ۔۔۔۔۔۔۔۔
مگر زید کے اس معصومانہ سوال نے اس کے اندر کا غم باہر نکال دیا تھا ۔۔۔۔۔۔۔۔
زید فطری اور اختیاری محبت کا سنگم تھا ۔۔۔۔۔۔۔۔مگر اختیاری محبت ( محبت رسول صلی اللہ علیہ وسلم اور محبت خدا جل وعلا ) کا رنگ غالب تھا ۔۔۔۔۔۔۔۔ مشاہدے کے مطابق زید پر بارگاہ رسالت مآب صلی اللہ علیہ وسلم میں ہدئہ سلام پیش کرتے وقت ایک الگ کیفیت ہوتی ۔۔۔۔۔۔۔۔۔حضور کی مدح وسرائی میں اس کا رنگ جدا ہوتا ۔۔۔۔۔۔۔۔۔۔مدینے کے والی کے گن بمثل بلبل گنگناتا ۔۔۔۔۔۔۔تذکرۂ سبز گنبد سے اس کے اندر شادابی آجاتی ۔۔۔۔۔۔۔۔تصور روضۂ انور سے اس میں خوش مزاجی آجاتی ۔۔۔۔۔۔مقدس جالیوں کا تخیل اس کو معطر کر دیتا ۔
وہ اکثر کہا کرتا کہ ” ہم بے سرمایۂ ہیں ، ہم بے وقعت ہیں ہاں ہمارے پاس ایک ایسا سرمایۂ ہے جس کی نظیر کسی کے پاس نہیں جو کہ محبت رسول صلی اللہ علیہ وسلم ہے اور یہی ہمارا آخری سرمایۂ ہے ” ۔
کیا ہوگا تیری دید کی لذت کا عالم
دیوانوں نے تو اب تک تیرا نام سنا ہے
