منقبت حضرت سید سالار مسعود غازی رضی اللہ عنہ ❤️

 سلطان الشہدا حضرت سید سالار مسعود غازی رضی اللہ عنہ، شہادت 14 رجب المرجب مزارِ مبارک بہرائچ شریف یوپی (الہند) ❤️ پیش خدمت ہے : منقبت حضرت سید سالار مسعود غازی

وفا کے علمدار مسعود غازی
رہ حق کے سالار مسعود غازی

ہیں عاشق سرکار مسعود غازی
بلندی کے مینار مسعود غازی

ہیں حمزہ کی تلوار مسعود غازی
علی کی ہیں للکار مسعود غازی

شجاعت، شہادت، ولایت میں شاہا
ترا اعلیٰ معیار مسعود غازی

ترا رتبہ اعلیٰ، ہے اعلیٰ تری شاں
ترا اعلیٰ کردار مسعود غازی

نہ لوٹا جہاں سے کبھی کوئی خالی
ترا ہے وہ دربار مسعود غازی

بھلا کیوں کہیں اور جاؤں کہ جب میں
ہوں تیرا طلبگار مسعود غازی

کسی کے بھی پیچھے بھلا کیوں چلیں ہم
ہمارے ہیں سردار مسعود غازی

ہےحسرت کسی دن ان آنکھوں سےمیں بھی
کروں تیرا دیدار مسعود غازی

مجھے ہو بھلا کیا دوا کی ضرورت
میں ہوں تیرا بیمار مسعود غازی

اٹھاتے ہیں سر چارو جانب سے دشمن
کرو ان پہ یلغار مسعود غازی

نہیں دیکھے جاتے ستم ظالموں کے
کرو ان کو مسمار مسعود غازی

بھنور میں ہمارا سفینہ پھنسا ہے
خدارا کرو پار مسعود غازی

ستم اہل ایماں پہ ڈھاتے ہیں کافر
اٹھاؤ نا تلوار مسعود غازی

مجھے غم ہو کیونکر زمانے کا شاہد
ہیں جب میرے غمخوار مسعود غازی

ہوں مقبول آقا تری بارگاہ میں
یہ شاہد کے اشعار مسعود غازی

از – محمد شاہد رضا رضوی 😍

قبلۂ عارفاں خواجۂ خواجگاں

نظرجب آتا ہے روضہ ترا غریب نواز

کروں بغداد میں جاکر زیارت غوث اعظم کی