جشن آزادی مناؤ آج ہے پندرہ اگست

طفیل احمد مصباحی

جشِ آزادیِ وطن

جشِن آزادی مناؤ آج ہے پندرہ اگست
بغض و نفرت کو مٹاؤ آج ہے پندرہ اگست

نغمۂ شِیریں سناؤ ٬ آج ہے پندرہ اگست
جام الفت کا پِلاؤ ٬ آج ہے پندرہ اگست

جشنِ حُرِّیَّت مناؤ ٬ آج ہے پندرہ اگست
شمعِ یکجہتی جلاؤ ٬ آج ہے پندرہ اگست

ہندو ٬ مسلم ٬ سکھ ٬ عیسائی آپسی بھائی ہیں سب
رشتے مستحکم بناؤ ٬ آج ہے پندرہ اگست

یہ تِرنگا اتحادِ باہمی کا ہے نشاں
اس پہ تم قربان جاؤ ٬ آج ہے پندرہ اگست

ملک کی خاطر ہوئے افراد جتنے بھی شہید
یاد تم ان کی مناؤ ٬ آج ہے پندرہ اگست

آج گوروں کی روش پر چل رہی ہے بی جے پی
ملک کو اس سے بچاؤ ٬ آج ہے پندرہ اگست

آج سَمْوِیْدَھان خطرے میں ہے اپنے ملک کا
یہ بھی دنیا کو بتاؤ ٬ آج ہے پندرہ اگست

چھیڑ خانی ہند کے آئین سے جو بھی کرے
تم سبق اس کو سِکھاؤ ٬ آج ہے پندرہ اگست

آج کا دن ہے تمہارا یومِ پیدائش طفیلؔ
نیکیوں کا گُل کھِلاؤ ٬ آج ہے پندرہ اگست

طفیل احمد مصباحی

مذید پڑھیں