آخر انسانیت کا مسیحا کون ؟
از قلم : ابوصالح مصباحی اتر دیناج پور
اسے سانس لینے میں دقت ہورہی تھی ۔۔۔۔۔۔۔۔۔۔۔ گھر والے کسمپرسی کے عالم میں بھاگم بھاگا کرہے تھے ۔۔۔۔۔۔۔۔شہر کے ہاسپٹل پہلے ہی سے بیڈ اور وینٹی لیٹر کی کمی کا رونا رورہے تھے ۔۔۔۔۔۔۔۔۔ڈاکٹروں نے معذرت کر دی تھی ۔۔۔۔۔۔۔۔۔۔۔ادھر ارون کی حالت نہ گفتہ بہ ہوتی جارہی تھی ۔۔۔۔۔۔۔۔۔ ہر جگہ سے امید کی لو مدھم ہورہی تھی ۔۔۔۔۔۔۔
پھر اچانک کہیں سے امید کی کرن چمکی ۔۔۔۔۔۔۔۔۔ارون کے گھر والوں کو اطلاع ملی کہ شہر کے مسلم کمیونٹی نے اپنی جامع مسجد کو کرونا سینٹر میں تبدیل کردیا ہے ۔۔۔۔۔۔۔۔۔جہاں مفت بیڈ اور آکسیجن پریاپت کرایا جارہا ہے ۔۔۔۔۔۔
اس اعلان پر جہاں ارون کے گھر والوں کو کچھ راحت ملی تھی وہیں مسلم سماج کے لوگوں میں ایک قسم کی بے چینی بھی پائی جارہی تھی ۔۔۔۔۔۔۔مسلم سماج میں یہ چہ میگوئیاں جاری تھی کہ کیسے خدا کے مقدس گھر کو کرونا متائثرین کے لئے کرونا سینٹر میں تبدیل کیا جاسکتا ہے ؟
ہمارے معبد میں جب ہمیں عبادت کی اجازت نہیں تو یہ کیسے ممکن ہو سکتا ہے کہ ہم اسے کرونا متائثرین کے لئے راحت گاہ بنا نے کی اجازت دیں ؟
مسلم سماج کے لوگوں کا اس قسم کے اعتراضات کچھ حد تک جائز بھی تھے ۔۔۔۔۔۔۔وجہ یہ کہ مدرسہ مسجد کے حوالے سے حکومت وقت کے نظریات صاف شفاف نہیں معلوم ہوتے ۔۔۔۔۔۔۔
بہر کیف دنیا میں آج بھی انسانیت باقی ہے ۔۔۔۔۔۔۔۔اس لئے دم توڑتی انسانیت کو بچانے والا کوئی نہ کوئی مسیحا ضرور اجاگر ہوجا تا ہے ۔۔۔۔۔۔۔۔
یہ خبر سن کر ارون کے گھر والوں کی ڈھارس بندھ آئی ۔۔۔۔۔۔۔۔اور وہ اسے لے کر شہر کی جامع مسجد کی طرف چل پڑے ۔۔۔۔۔۔۔۔چوں کہ ارون کی حالت سنبھلے نہ سنبھل رہی تھی اس لئے مسجد پہنچتے ہی مسلم کمیونٹی کے لوگوں نے ہاتھوں ہاتھ اسے لیا اور بلا تاخیر اسے بیڈ اور آکسیجن فراہم کرایا ۔۔۔۔۔۔۔۔ساتھ ہی اس کے گھر والوں کوحوصلہ دے کر پاس ہی ایک نششت میں بیٹھنے کا اشارہ بھی کیا ۔۔۔۔۔۔۔۔۔۔
بیٹھے بیٹھے ارون کے پیتا گہری سوچ میں پڑگئے تھے ۔۔۔۔۔۔۔
وہ سوچ رہے تھے کہ ” مسجد والوں نے ہمارا دھرم نہیں پوچھا ، ہماری کاسٹ اور ذات بھی نہیں پوچھا ۔۔۔۔۔۔۔۔۔۔
آخر یہ لوگ اتنے نرم اور رحم دل کیسے ہوسکتے ہیں ؟
ہمارے مذہب کی عبادت گاہیں بھی تو ہیں آخر اس کے منتظمین نے اس طرح کا کوئی اقدام کیوں نہیں کیا ؟ اور اگر کرتے بھی توکیا وہ لوگ بلا تفریق ذات پات سب کے لئے یکساں سہولت فراہم کرتے ؟
ارون کے پاپا سوچ رہے تھے کہ آج ہم پر سارے دروازے بند ہوگئے ۔۔۔۔۔۔۔صرف مسلم سماج نے ہمیں پناہ دی اور وہ بھی اپنی پاک اور پوتر جگہ پر جہاں ناپاک لوگوں کو اجازت نہیں ۔۔۔۔۔۔
مسلمانوں کی ہمدردی کو دیکھ کر ارون کے پاپا کے ذہن پر اپنے مذہب کے ان ٹھکیداروں کا منفی رویہ بھی ابھر گیا ۔۔۔۔۔۔۔۔۔۔۔ارون کے پاپا کو یاد تھا کہ صرف پانی پینے کے لئے مندر کے اندر جانے والے آصف نامی ۱۲/ ۱۳ سالہ بچے کو کس بے دردی سے مارا اور پیٹا گیا تھا ۔۔۔۔۔۔۔۔۔
ارون کے پاپا انہیں خیالات میں گم تھے کہ اسی دوران کسی نے ارون کی حالت کی بہتری کی خبر سنائی ۔۔۔۔۔۔۔۔۔۔
